Siglir tar il cuntegn

Exteriur Cumprovas per doping statal en Russia

En il mund dal sport regia agitaziun: Il rapport da l'agentura mundiala d'antidoping WADA conferma ch'il ministeri da sport russ ha surveglià sur onns manipulaziuns da doping e laschà svanir emprovas positivas.

Ina da las provas da sang che vegn evaluada sch’il sportist ha duvrà doping.
Legenda: Ina da las provas da sang che vegn evaluada sch’il sportist ha duvrà doping. Keystone

Plirs 10 sportists russ tranter quels er almain 15 victurs da medaglias duain esser ids «dopads» a la partenza dals gieus olimpics a Sotschi. Ina decisiun davart ina suspensiun probabla da la Russia sto ussa prender il Comité internaziunal olimpic. L'agentura d'antidoping n'ha numnadamain nagina cumpetenza da prender decisiuns.

Tenor il president dal IOC, Thomas Bach, vegnia il Comité internaziunal olimpic ad ordinar las pli severas sancziuns pussaivlas cunter tut ils sportists ed organisaziuns che sajan involvids en il scandal da doping.

RR novitads 20:00