Cun 1,8 milliardas dollars encunter Zika

Quai è la summa, ch'il president dals Stadis Unids, Barack Obama, vul impunder en il cumbat cunter il virus. Obama dumondia il congress da dar liber quests daners - ha communitgà la regenza americana.

Barack Obama en la conferenza da medias. Bild in Lightbox öffnen.

Legenda da maletgs: Se dustar cunter il virus da Zika - Barack Obama vul imponer 1,8 milliardas dollars per quel intent. Keystone

Sch'il congress dat liber questas finanzas, duajan ellas vegnir en in fonds dad emergenza. Cun quel vuless Obama expander il cumbat cunter ils mustgins, intensivar la perscrutaziun per in vaccin e tests da diagnosa e sustegnair dunnas en speranza, che han mo paucs raps.

Plinavant duajan survegnir agid ils pajais pertutgads en l'America dal Sid. Quai ha el annunzià ier en la Chasa Alba.

Ils Stadis Unids han dumbrà fin uss 50 cas confermads da Zika - tut las persunas eran returnadas da viadis en l'America dal Sid.

RR novitads 06:00