Siglir tar il cuntegn

Header

Navigaziun

cuntegn

Exteriur Cundiziuns per retrair truppas da la Siria

Ils Stadis Unids tschentan ina cundiziun avant ch'els retiran lur truppas or da la Siria. La Tirchia stoppia proteger ils Curds da la milissa YPG en il nord da la Siria.

convoi charra davent.
Legenda: Cura exact che las truppas americanas bandunan la Siria, n'è vinavant betg cler. Keystone

La Tirchia na duai far nagina acziun militara che na saja betg coordinada dal tuttafatg cun ils Stadis Unids. Quai per na betg metter en privel las truppas americanas, ha ditg il cussegliader da segirezza naziunal John Bolton. El era s'inscuntrà en l'Israel cun il primminister Benjamin Netanjahu.

Suenter l'inscunter ha Bolton garantì ch’ils Stadis Unids fetschian tut per proteger l'Israel. Las truppas americanas vegnian retratgas or da la Siria cura che la milissa terroristica Stadi Islamic na saja nagin privel pli. Ils Stadis Unids han sustegnì la YPG en il cumbat cunter la milissa terroristica Stadi Islamic. La Tirchia considerescha ils cumbattants curds però sco terrorists ed ha smanatschà da rumper la YPG.

RR novitads 07:00