La guardia da costa tirca ha tenor atgnas indicaziuns chattà sis baras da migrantas e migrants en la Mar Mediterrana. 3 èn baras d'uffants e 2 baras da pops. Passa 70 migrants sajan vegnids spendrads, tschintg valian anc sco sparids.
Las autoritads tircas renfatschan a la guardia da costa greca d’avair chatschà enavos ils migrants. La guardia da costa da la Grezia refusa tut las renfatschas. L’incident saja capità en auas tircas, e betg grecas.
Betg l'emprima renfatscha envers la Grezia
Ils migrants sajan stads sin via da Libanon envers l'Italia. Els n'hajan betg giu pli benzin, e dumandà la guardia da costa greca per sustegn. Quella haja mess ils migrants en quatter bartgas da salvament, e laschà enavos ellas sin la mar. Quai ha l'emettur statal da la Tirchia TRT rapportà.
video
Pushbacks da la polizia greca
Or da 10 vor 10 dals 28.06.2022.
laschar ir. Durada: 5 minutas 29 Secundas.