Siglir tar il cuntegn

Header

cuntegn

Exteriur Cuntrabandists da fugitivs han colliaziuns en Svizra

Quai rapportan la Sonntagszeitung e Le Matin Dimanche. Las gasettas han analisà da passa 1'200 paginas d'actas davart cuntrabandists en l'Italia e fatg intervistas cun fugitivs.

Tenor las inquisiziuns fatgas da las autoritads talianas, hajan schefs da cuntrabandists da l'Africa dal nord e da l'ost parents u commembers da lur bandas en Svizra. Plirs dad els hajan inoltrà ina dumonda d'asil.

En l'Italia è in cuntrabandist vegnì condemnà e tschintg spetgan anc sin lur process. En Svizra percunter n'hai anc dà nagins process. Era n'haja la Svizra fin uss gì da far nagut cun las inquisiziuns en l'Italia, uschia il manader da la Taskforce svizer per il cumbat cunter cuntrabandists envers la Sonntagszeitung.

RR novitads 12:00

Artitgels legids il pli savens