Concret vai per destruir il "model da fatschenta" da quels. In mandat da l'ONU per in'acziun militara n'è enfin ussa però betg en vista.
L'incumbensada da l'exteriur da l'UE, Federica Mogherini vul far reclama per quest plan il glindesdi avant il cussegl da segirezza da l'ONU. La pussanza da veto Russia ha però gia mess clers cunfins. Ils pajas europeics vulan perquai cumenzar cun pass pitschens.
La notg sin ils 19 d’avrigl èn morts passa 750 fugitivs cura che lur bastiment è sfundrà avant la costa libica. En in inscunter suprem en connex cun il drama avevan ils schefs da stadi e da regenza da l’UE annunzià sforzs sistematics d’identifitgar ils bastiments gia avant lur utilisaziun e da destruir els.
RR novitads 10:00