Cunvegna areguard protecziun da datas

Suenter lungas tractativas èn la cumissiun da l'UE e la regenza americana sa cunvegnidas sin novas reglas areguard la protecziun da datas. Quai ha communitgà l'incumbensada da giustia da l'UE, Vera Jourova.

En il fund la citad da New York e sura segns per Twitter, Facebook e co Bild in Lightbox öffnen.

Legenda da maletgs: Datas duain daventar pli segiras Keystone

I va per la dumonda, co firmas arcunan datas da persunas da l'Europa en ils Stadis Unids - per exempel Facebook e Google. La cunvegna duai proteger meglier la sfera privata dad in e scadin.

Tenor indicaziuns da collavuraturs da l'UE saja tranter auter planisà ch'il ministeri da commerzi american controlleschia firmas che distribueschan datas che derivan da l'Europa. Tgi che na sa tegnia betg vi dals standards stoppia quintar cun sancziuns. Tut segund possia quel schizunt vegnir stritgà da la glista.

Cun questa cunvegna pon millis da firmas quintar cun segirezza giuridica. L'emprim ston dentant ils represchentants dals stadis da l'UE anc confermar il resultat da questa cunvegna.

RR novitads 7:00