Siglir tar il cuntegn
Inhalt

Exteriur Cunvegna custa a VW 14,7 milliardas $ en ils Stadis Unids

Talas pretensiuns han ils accusaders americans han inoltrà tar la dretgira a San Francisco.

simbol da vw sut tschiel d'urizis
Legenda: Il scandal da diesel da VW tira rudels adina pli lartgs. Keystone

Sco indemnisaziun e reparaziun per il scandal da diesel sto il concern d'autos tudestg VW pajar 14,7 milliardas dollars. Quai tenor ina pretensiun ch'ils accusaders americans han inoltrà tar la dretgira a San Francisco. La cunvegna prevesa ch'ils clients pertutgads pon adattar lur autos gratuit ubain returnar els.

VW n'augmenta betg las reservas

Il schef da finanzas da VW, Frank Witter, ha ditg ch'ins na veglia betg augmentar las reservas per il scandal da diesel; quai malgrà il pajament da milliardas en ils Stadis Unids. Questa cunvegna saja pli u main en il rom spetgà, ed ins saja en il stan da diriger las consequenzas. VW aveva mess da la vart 16,2 millardas euros per dar dumogn al scandal da svapurs.

SKS: Era Svizzers duain survegnir indemnisaziuns da VW

Era automobilists svizzers pertutgads duain survegnir in'indemnisaziun. Quai pretenda la Fundaziun per la protecziun da consuments (SKS). L'indemnisaziun duai esser pauschala sco en ils Stadis Unids. La SKS vul sa metter ensemen cun ina fundaziun ollandaisa per agir cunter VW.

RR novitads 14:00