Exteriur - Cunvegna tranter Grezia e crediturs internaziunals
La Grezia ed ils crediturs internaziunals èn da principi sa cunvegnids ad in terz program d'agid. Quai ha fatg a savair in represchentant dal ministeri da finanzas grec suenter las tractativas da 18 uras.
Ina cunvegna è necessaria per ulteriurs agids ed è duai esser cumbinada cun ulteriuras mesiras da spargn. Fin ils 20 d’avust sto la Grezia survegnir novs daners per pudair pajar enavos 3,2 milliardas euros a la Banca centrala europeica.
I dettia anc intgins detagls che sajan da sclerir, hai gì num. Ina decleraziun uffiziala davart la cunvegna na datti per il mument dentant anc betg.
