Siglir tar il cuntegn

Header

Benjamin Netanjahu, il primminister da l'Israel cumbatta davant dretgira per ina cunvegna da gas
Legenda: Benjamin Netanjahu è s'engaschà persunalmain per la cunvegna Reuters
cuntegn

Exteriur Cunvegna tranter l'Israel ed ils Stadis Undis è nunvalaivla

Il tribunal federal da l'Israel ha declerà nunvalaivla ina cunvegna da gas tranter ils dus pajais.

La cunvegna da gas tranter il concern d'energia american Noble Energy e la gruppa israeliana Delek era dispitaivla. Il primminister israelian, Benjamin Netanjahu na po dentant betg chapir questa sentenzia giudiziala. Tenor el è quella «lamentabla».

Clausula inacceptabla

La dretgira è vegnida a la conclusiun che l'uschè numnada clausula da stabilitad saja inacceptabla. Il contract scumandava da far midadas en la cunvegna durant 10 onns. Il mument è la cunvegna bloccada per in onn. Uschia duai il parlament avair temp per midar la cunvegna ch'era vegnida suttascritta il december 2015.

Passa 500 milliardas meter cubic gas natiral

I vegn supponì ch'i dettia radund 535 milliardas meter cubic gas natiral a Leviathan, davant la costa da l'Israel. Il primminister Benjamin Netanjahu era s'engaschà persunalmain per questa cunvegna. El ha tema che l'aboliziun dal contract chaschuni donns a lunga vista. Ins impedeschia uschia la concurrenza, il svilup e las investiziuns.

RR novitads 10:00

sda/sc

Artitgels legì il pli savens

Nach links scrollen Nach rechts scrollen