Siglir tar il cuntegn

Header

Persuna che cruscha ils mauns davos il dies.
Legenda: Senza il gea da Wallonia na po la cunvegna Ceta betg vegnir suttascritta. Keystone
cuntegn

Exteriur Cunvegna UE – Canada: I fa prescha

La regiun da la Belgia Wallonia resta tar ses na a la cunvegna da commerzi liber europeica-canadaisa Ceta. Er ina proposta da cumpromiss da la cumissiun da l’UE n’ha betg pudì persvader da regenza regiunala. Senza il gea da Wallonia na po la cunvegna betg vegnir suttascritta.

Las tractativas tranter l’UE e represchentants da la regiun Wallonia han cuzzà pliras uras. Quels avessan gì da vegnir persvas da tuttina anc dir gea a la cunvegna da commerzi liber.

Suenter ina sesida extraordinaria da la regenza regiunala ha il primminister Paul Magnette però ditg ch’ils documents supplementars che la cumissiun da l’UE haja preschentà na tanschian anc adina betg.

Belgia na po il mumnet betg suttascriver

L’UE ed il Canada vulan suttascriver la cunvegna la gievgia che vegn. Anc oz vul Magnette s’inscuntrar cun la ministra da commerzi canadaisa Chrystia Freeland.

Avant in’emna aveva il parlament regiunal da la Wallonia vuschà cunter la cunvegna. Perquai na po la Belgia per il mument betg suttascriver la cunvegna. Ses na argumentescha la regiun surtut cunquai ch’i saja da sa dumandar schebain ils standarts socials e da l’ambient vegnian possia uschia vegnir mantegnids.

RR novitads 07:00

Artitgels legids il pli savens

Scrollar a sanestra Scrollar a dretga