En l'Austria è la discrepanza anc pli gronda: Las dunnas lavuran 48,9% parzialmain ed ils umens 9,8%.
Tenor l'agentura da novitads svizra SDA, n'èsi sulettamain en la Rumenia betg uschia. Là lavuran ils umens cun 5,7% levamain dapli parzial che las dunnas cun 5,5%. En intgins pajais da la part da l'ost e dal sidost da l'Europa è la discrepanza pitschna. In surpli da dunnas hai dentant er en quests pajais.
L'influenza d'uffants
Las pli pitschnas differenzas tranter um e dunna chatt'ins tar ils lavurants parzials senza uffants. Quest fenomen mussa era l'Austria. Tar ils lavurants senza uffants è la quota dals umens che lavuran parzialmain 12,3% e quella da las dunnas 28,4%. Damai è la differenza tranter las schlattainas mo pli ¼ uschè gronda sco quella tar lavurants cun uffants.
Examinadas èn vegnidas persunas tranter 25 e 49 durant la perioda d'in onn (2016).
RR novitads 12:00