Siglir tar il cuntegn

Header

Persuna cun mascra en citad
Legenda: Keystone
cuntegn

Curta survista Dumber da mortoris crescha. Spetgà recessiun globala. Deficits.

Dumber da mortoris crescha rasant

En ils Stadis Unids è il dumber da mortoris entras la malsogna dal pulmun Covid-19 danovamain creschì rasant. Tenor indicaziuns da l’universitad John Hopkins sajan radund 1'400 persunas mortas durant las ultimas 24 uras. En total è il dumber da mortoris èn il pajais creschì sin passa 7'000.

Tenor calculaziuns spetgan ils Stadis Unids il punct culminant da la pandemia ils 16 d’avrigl. Las autoritads quintan cun radund 2'600 mortoris durant quest di. Stimaziuns quintan ch'i vegnian mez d'avrigl er a mancar radund 87'00 letgs en ospitals.

Banca mundiala quinta cun recessiun globala

La pandemia da corona vegnia tenor il schef da la banca David Malpass tgunsch a chaschunar ina recessiun. Quella vegnia cunzunt a tutgar ils pajais pli povers e vulnerabels. La banca mundiala veglia reagir resolut cun programs d’agid – cunzunt per pajais povers, ha communitgà Malpass. El veglia bainbaud discurrer cun ils schefs da l’Etiopia, la Kenia ed ulteriurs pajais.

Delta spetga perdita da milliuns

La societad aviatica Delta Air Lines quinta pervia da la crisa da corona cun ina regressiun da la svieuta da 90% durant il segund quartal. Il schef dal concern ha infurmà ier ils collavuraturs davart la situaziun actuala. Delta perdia mintga di passa 60 milliuns dollars, la situaziun vegnia dentant anc a sa pegiurar.

La realitad saja, ch’ins na possia simplamain betg dir, quant ditg ch’i cuzza enfin ch’ils clients èn puspè pronts per sgular. Senza mesiras da spargn rigurusas e sustegn finanzial n'avess la societad avatica il zercladur nagins daners pli.

RTR novitads 10:00

Artitgels legids il pli savens

Ir a sanester Ir a dretg