Exteriur - Cussegl da l’Europa alarmà davart il rassissem en Frantscha
Il Cussegl da l'Europa è alarmà davart ils pleds dad odi e delicts rassistics che s'augmentan adina dapli en Frantscha. Pertutgads da la intoleranza che crescha ad in crescher sajan surtut gidieus, muslims sco era romas e sintis, dentant era omosexuals.
En blers cas na datti betg ina denunzia, quai tenor in rapport dal comité d’anti rassissem dal Cussegl da l'Europa. Ils politichers derasian adina dapli clischés da minoritads. E quai haja manà ad ina banalisaziun da rassissem ed intoleranza en la societad. Il comité pretenda da la regenza franzosa da render pli severa la lescha penala.
