Siglir tar il cuntegn

Header

cuntegn

Cussegl naziunal Sebastian Kurz daventa schef da la fracziun ÖVP

Il politicher austriac Sebastian Kurz giauda anc adina il ferm sustegn da sia partida, la conservativa ÖVP, er suenter ch'el è sa retratg sco chancelier. Commembers e commembras dal parlament da la ÖVP han elegì unanimamain Sebastian Kurz sco nov schef da la fracziun en il cussegl naziunal, annunzia la partida. Il schef da fracziun d'enfin uss August Wöginger è vegnì elegì unanimamain sco vice-schef.

Nus vegnin a lavurar communabel, cun tutta forza per ils carstgauns en Austria.
Autur: Sebastian Kurz e August Wöginger

Sebastian Kurz era sa retratg sonda saira da ses uffizi sco chancelier. La procura publica investighescha cunter el pervia da malfidaivladad, corrupziun e corruptibladad. Sebastian Kurz refusa tut las inculpaziuns. Dapi ier da mezdi maina Alexander Schallenberg la coaliziun da ÖVP e Verds.

Ord l'archiv

audio
Sebastian Kurz
02:45 min, Il chavazzin dal di dals 13.10.2017.
laschar ir. Durada: 02:45 minutas.

RTR novitads 06:00

Artitgels legids il pli savens

Scrollar a sanestra Scrollar a dretga