Siglir tar il cuntegn

Header

Navigaziun

Purtret d'in auto da la controlla da cunfin Frontex.
Legenda: Il dumber da persunas tar la Frontex duai vegnir auzà sin 10'000. Keystone
cuntegn

Exteriur da 1'500 sin 10'000 – Frontex augmenta dumber da persunal

La truppa da protecziun da cunfin da l'Uniun europeica, Frontex vegn augmentada da 1'500 sin 10'000 persunas, quai fin il 2027. Uschia han communitgà commembers da las contractivas tranter ils pajais da l'UE ed il parlament da l'UE.

La cumissiun da l'UE aveva proponì il settember passà d'augmentar il dumber dals emploiads da la Frontex gia fin il 2020 sin 10'000. Cunter ina Frontex pli ferma avevi dentant dà resistenza, cunzunt da l'Italia e la Grezia che teman intervenziuns en lur suveranitad.

Il dumber da persunas che passan a moda nungiavischada sur ils cunfins sa sbassa dapi onns. Il 2018 è il dumber anc stà tar 150'114. Quai èn 27% pli pauc che l'onn avant. Cun rinforzar Frontex duai esser pussaivel da stritgar insacura las controllas da cunfin entaifer l'UE dal tut.

RR novitads 16:00