La purtadra dal premi Nobel pakistana Malala Yousafsai ha appellà a politichers en tut il mund da dar ad uffants da fugitivs ina scolaziun cumpleta. Quai saja necessari per impedir ina generaziun persa, ha ditg Yousafsai a l'agentura da novitads AP en vista da la 71avla Assamblea generala da l'ONU.
Dapi la segunda guerra mundiala na hai mai pli dà uschè blers fugitivs sco ussa. Passa 21 milliuns. Cun quai che uschè blers uffants èn sin fugia e betg a scola saja lur scolaziun en ils pajais da recepziun tant pli impurtanta, ha ditg Yousafzai.
RR novitads 06:00
srf/hs
