La fin mars 2015 avevan ils daivets da la Germania cuntanschì in record da passa 2’000 milliardas euros. Quai èn bunamain 21 milliardas dapli che l'onn avant. Responsabels per la creschientscha èn cunzunt ils custs pli auts tar ils fondos publics e tar las instituziuns e fatschentas statalas.
Tenor l'Institut per economia mundiala a Kiel pudessan ils daivets sin la fin da l'onn pigliar 71,2% da la prestaziun economica dal pajais. Uschia surpassass la Germania las directivas da la Uniun europeica che lubeschan maximalmain 60%.
RR novitads 12:00