Siglir tar il cuntegn
Inhalt

Exteriur Dallas: Situaziun resta tendida suenter protests

Almain nagina nova violenza: Quai è ina buna novitad ord ils Stadis Unids per l’entschatta da l’emna. La situaziun resta però fitg tendida suenter protests cunter violenza poliziala. Il president Obama vul uss visitar Dallas per calmar las auas.

In pitschen simbol per ina gronda commemoraziun planisada a Dallas.
Legenda: In pitschen simbol per ina gronda commemoraziun planisada a Dallas. Keystone

En ils Stadis Unids resta la situaziun suenter ils protests cunter la violenza da la polizia tendida. Novs protests violents n'hai dentant betg dà.

Entant sa prepara la citad americana Dallas per ina gronda commemoraziun. Là aveva in anteriur schuldà nair sajettà giu avant paucs dis tschintg policists durant ina demonstraziun cunter la violenza da la polizia.

Visita per calmar las auas

A la commemoraziun dal mardi prendan part il president american Barack Obama e ses antecessur George W. Bush. La preschientscha communabla è nunusitada e mussa las stentas per quietar in pajais agità. Obama vegn accumpagnà dal vice Joe Biden e vegn a tegnair il pled ad in’occurrenza interconfessiunala. Plinavant vul il president inscuntrar las famiglias dals mazzads e blessads.

RR novitads 20:00