Exteriur - Daners da l'Uniun europeica per la Tirchia
La cumissiun da l'UE ha publitgà detagls davart ina collavuraziun pussaivla cun la Tirchia en la crisa da fugitivs. En la cunvegna da principi metta la cumissiun en vista in agid finanzial per il cas che la regenza tirca proveda ils fugitivs meglier e salva quels en il pajais.
Latiers sa participass l'UE als custs per 6 ulteriurs champs da fugitivs en Tirchia.
Sco cuntramesira stuess la Tirchia segirar meglier il cunfin cun l'UE. Davart la proposta vegn uss contractà. Enfin il proxim inscunter da l'UE l'emna proxima duain ils detagls esser sclerids.
