Siglir tar il cuntegn

Header

cuntegn

Exteriur Dapli agid finanzial per la Grezia

La gruppa da l'euro ha prendì la decisiun da princip da sustegnair la Grezia cun in program d'agid da 3 onns. La premissa saja dentant ch'ils parlaments naziunals en ils pajais commembers da l'euro approvian la decisiun, communitgescha la gruppa da l'euro.

Ensemen cun ils ministers da finanzas da l'UE è la gruppa da l'euro sa cunvegnida da gidar la Grezia fin mez avust cun 7 milliardas euros. Quai ha communitgà ina pledadra da la cumissiun da l'UE.

Ultra da quai ha la Banca centrala europeica auzà sia limita da 90 milliardas euros per credits d'agid a la Grezia. Quai ha ditg il president da la banca Mario Draghi.

L'agid augmentà dat dapli temp al la Banca centrala europeica

Las bancas greccas èn dapi emnas dependentas dals credits d’urgenza. Sche quels vegnissan stritgads, alura callabass il sistem da finanzas.

Cun la decisiun da dar daners supplementars cumpra la Banca centrala europeica temp per decisiuns politicas, scrivan las agenturas da novitads.

RR novitads 15:00 / 18:00

Artitgels legids il pli savens