Exteriur - Dapli daners per manischar la migraziun en l'UE
Ils pajais da l'UE, nua che blers fugitivs arrivan, survegnan dapli daners da l'UE. La cumissiun da l'UE ha deliberà 2,4 milliardas euros per sustegnair il management da migraziun dals pajais commembers.
La pli gronda cumpart dal sustegn finanzial survegn l'Italia cun 558 milliuns euros. I suondan la Grezia e la Spagna cun mintgamai stgars 474 milliuns.
Nagins daners per Frantscha e Gronda Britannia
Contribuziuns d'agid per tgirar requirents d'asil a Calais en Frantscha hajan ins gia pajà pli baud, accentuescha la cumissiun da l'UE. Dapi lura n'hajan ni la Frantscha ni la Gronda Britannia dumandà per ulteriur sustegn.