Siglir tar il cuntegn

Exteriur Dapli morts che supponì a Lombok

Il dumber uffizial da morts ch'i ha dà dal terratrembel avant in'emna, giaschia uss tar 387 morts.

Purtret d'in um che raiva sur las ruinas d'ina chasa.
Legenda: A Lomok è il dumber da morts pli aut che pensà l'entschatta. Keystone

Il grev terratrembel d'avant in'emna sin l'insla da vacanzas indonaisa Lombok ha custà la vita a dapli persunas che supponì fin uss. Il dumber uffizial sajan uss sin 387 morts, bunamain 13'700 persunas sajan blessadas e stgars 400'000 persunas hajan stuì bandunar lur chasas, quai tenor las indicziuns da l'autoritad per la protecziun da catastrofas. Il dumber da morts vegnia probabel anc a crescher cunquai ch'i dettia anc adina carstgauns sut las ruinas e la massa da terra. Plinavant hajan ins memia paucas tendas, da mangiar, cuvertas ed auter per ils survivents.

In terratrembel da la fermezza 6,9 aveva squassà l'insla vischina da Bali la dumengia passada. Paucs dis avant eran gia 20 persunas mortas d'in auter terratrembel. In terratrembel posteriur la gievgia aveva custà a trais persunas la vita.

Tschinta da fieu dal Pacific

En l'Indonesia datti savens terratrembels perquai ch'il stadi giascha sin l'uschenumnà «Pazifischer Feuerring». Là datti spezialmain blers vulcans. Era terratrembels datti savens e quels pon era chaschunar tsunamis.

RR novitads 10:00