Siglir tar il cuntegn

Header

Navigaziun

cuntegn

Exteriur Dapli passagis al cunfin Mexico – USA

Purtret d'in dals puncts da cunfin tranter il Mexico ed ils Stadis Unids.
Legenda: Reuters

Radund 76'000 migrants han surpassà il mais passà il cunfin dal Mexico en ils Stadis Unids. Quai sajan dubel uschè blers sco il favrer avant in onn e correspundia al pli aut dumber al mais dapi l'october 2013. Quai communitgescha l'autoritad per la protecziun da cunfin americana. Ella numna quest svilup «alarmond». Ils blers migrants vegnan da stadis da l'America centrala, sco Guatemala, Honduras u El Salvador.

Ils emploiads sco er ils bajetgs per metter sut tetg ils migrants sajan surchargiads. Ils migrants arrivian pli savens en gruppas pli grondas e surpassian il cunfin en territoris champesters nua ch'i haja mo paucs guardias da cunfin.

En il cumbat cunter la migraziun illegala vul il president, Donald Trump, bajegiar in mir da cunfin tranter ils Stadis Unids ed il Mexico. Per finanziar quest mir dispitaivel ha Trump clamà or il stadi d'urgenza perquai ch'il congress ha refusà da pussibilitar la finanziaziun dal mir.

RR novitads 06:00