Siglir tar il cuntegn

Header

cuntegn

Exteriur Dapli pirateria da products en l'UE

L'Uniun europeica ha confiscà l'onn passà radund 5 milliuns product falsifitgads dapli che l'onn avant. Sco quai che la cumissiun da l'UE communitgescha è quai in plus da 14% envers il 2014. La duana ha confiscà passa 40 milliuns artitgels cun ina valita da bunamain 650 milliuns euros.

Dals artitgels confiscads sa tractia dad imitaziuns che cuntrafetschian al dretg da proprietad intellectuala. 41% da tut ils artitgels confiscads derivan da la China, suandà da Montenegro, Hongkong, Malaysia e Benin. Il pli bler vegn confiscà cigarettas (27%). Artitgels dal mintgadi sco victualias u bavrondas, medischinas, termagls u apparats electronics vegnan ensemen sin 25,8%.

Empustà en l'internet

En la Svizra ha la duana dumbrà 3'521 imports empruvads cun posta da rauba falsifitgada. En otg da diesch cas sa tractia da pachets ord Hongkong u la China. Per gronda part è quai stà rauba sco tastgas, uras, fittem e vestgadira empustada en l'internet.

RR novitads 17:00

Artitgels legids il pli savens