Siglir tar il cuntegn

Exteriur Dapli sustegn talian al cunfin svizzer

Las autoritads talianas duain augmentar lur preschientscha al cunfin en il Tessin. A quai èn sa cunvegnids il cusseglier federal Ueli Maurer ed il minister da l'intern talian Angelino Alfano a chaschun da lur inscunter a Roma.

Las dus delegaziuns vi dad ina lunga maisa en ina bella sala.
Legenda: La delegaziun svizra cun Ueli Maurer en visita tar il minister da l’intern taglian en il Palazzo Viminale a Roma Keystone

Tema central da l'inscunter è stà la migraziun. Ultra da quai duain patruglias maschadadas accumpagnar en il futur ils trens tranter Milaun e Paris. En il Tessin è planisà in stab da crisa. Quel duai servir en avegnir als dus pajais cun cussegliar davart la situaziun actuala da la migraziun.

Maurer: ils custs vegnan a render pli severa la politica d'asil svizra

Plinavant s’ha express Maurer era tar in auter aspect dal tema migraziun. Uschia quinta il minister da finanzas che las expensas creschentas per requirents d’asil hajan consequenzas per la politica d’asil svizra. Il squitsch finanzial pudess sfurzar la Svizra da render pli severa sia pratica d'asil ha Ueli Maurer ditg envers la Basler Zeitung.

RR novitads 06:00