L'uffizi federal criminal da la Germania BKA ha dumbrà sulettamain il terz quartal da quest onn 285 delicts cunter alloschis per requirents d'asil. Quai dapli che l'entir onn passà.
La polizia tudestga tema, che la violenza sa drizza pli savens era cunter commembers d'organisaziuns d'agid e politichers che sustegnan fugitivs en ina moda u l'autra. A Cologna era la nov elegida burgamestra Henriette Reker in di avant las elecziuns vegnida blessada grev tar in'attatga cun in cuntè.
RR novitads 16:00