Quai ha confermà in vegl ami a l'agentura da novitads tudestga DPA. Fo era tranter auter vegnì enconuschent sco autur da teater, reschissur, cumponist, raquintader ed actur. Grond success ha el gì cun laschar reviver la «Commedia dell'arte».
Il 1997 ha Dario Fo survegnì il premi Nobel da litteratura. Durant sia vita è Fo er s'engaschà politicamain. Ils ultims onns era el commember da la partida da Beppo Griglio, «MoVimento 5 Stelle».
Renzi condolescha
Il primminister da l'Italia, Matteo Renzi, ha condolà a la famiglia da Dario Fo. Cun el perdia l'Italia ina da sias grondas figuras principalas dal teater, da la cultura e da la vita burgais dal pajais uschia citeschan las agenturas da novitads Renzi. Sia satira, sia retschertga, sia lavur sin la tribuna e sia lavur artistica multifara restian en il mund sco ierta d'in grond Talian.
RR novitads 06:00