Siglir tar il cuntegn
cuntegn

Exteriur Datas d'ina mesa milliarda giasts da Marriott enguladas

D'ina attatga da hackers sin ina figlia da la chadaina da hotels americana Marriott èn eventualmain datas da fin ad ina mesa milliarda clients vegnidas enguladas.

Purtret dal logo da Marriott.
Legenda: Ina figlia da la chadaina d'hotels Marriott è vegnida attatgada da hackers. Keystone

Sco il concern communitgescha sajan las bancas da datas da las reservaziuns vegnidas attatgadas regularmain dapi il 2014. Tenor l'interpresa sajan infurmaziuns sco nums, adressas dad e-mails, numers da telefon, numers da certificats, datas da naschientscha ed auters detagls vegnids enconuschents. Tar intgins clients pudessan era infurmaziuns davart las cartas da credit esser pertutgadas.

Emprims indizis per las attatgas hajan ins chattà il settember 2018. Ils 19 da november sajan ins lura stà tschert che datas sajan vegnidas enguladas. Las autoritads sajan vegnidas infurmadas.

RR novitads 15:00