Bleras schluccadas che valevan sur ils firads, crodian puspè davent. Quai ha communitgà la regenza ad Athen. Uschia stoppian baselgias, librarias e fatschentas da coiffeur puspè serrar lur portas. Er vala puspè in scumond da sortir la notg tranter las 21:00 e las 5:00. Era la pussaivladad d'empustar via telefon rauba en ina butia e silsuenter ir per ella scroda.
Las novas mesiras duajan valair enfin ils 11 da schaner. Lura vul la regenza puspè avrir las scolas.
Il cumbat cunter il virus cuntinua, perquai faschain nus ina cunterattatga.
Cumpareglià cun auters stadis europeics datti en la Grezia cun ses 11 milliuns abitants fitg paucs cas da corona confermads. Ier venderdi sajan radund 600 cas novs vegnids registrads. Denant è era il dumber da letgs en l'intensiva bass, pequai era questas mesiras fitg strictas.
