La societad aviatica australiana «Qantas» vul porscher davent il 2025 ils pli lungs sgols directs dal mund. Ils sgols duain colliar l'emprim las metropolas australianas, sco Sydney e Melbourne, cun Londra e New York. Tenor «Qantas» duain ils sgols cuzzar radund 19 uras.
Per quest intent, ha la societad aviatica empustà 12 novs aviuns dal tip Airbus A350. Il sgol direct il pli lung atcual, porscha «Singapore Airlines». Quel collia dapi il 2018 Singapur cun New York. En l'avegnir duain era Francfurt e Paris vegni colliar direct davent da las metropolas d'Australia.