Siglir tar il cuntegn

Header

Il primminister britannic David Cameron ha scrit ina brev cun las pretensiuns a l'Uniun europeica.
Legenda: David Cameron pretenda da refurmar l'UE. Keystone
cuntegn

Exteriur David Cameron fa pretensiuns per restar en l'UE

Dapli refurmas e damain restricziuns - Il primminister britannic David Cameron ha preschentà sias pretensiuns davart il restar en l'Uniun europeica - ed uschia evitar il "Brexit".

Il primminister britannic, David Cameron, pretenda vastas refurmas da l'UE sco premissa per che la Gronda Britannia restia en l'Uniun europeica.

Uschia vul Cameron per exempel restrenscher la circulaziun libra da persunas. Quella duai mo pli valair per burgais da stadis da l'UE che correspundan economicamain a la Gronda Britannia. Sia regenza saja en general cunter la finamira d'ina cuminanza adina pli stretga. Sias pretensiuns duain vegnir tramessas cun ina brev a l'UE e lura contractadas.

Suenter las contractivas duain ils Brits votar en in referendum fin il 2017 davart ina ulteriura commembranza. Quest referendum è stà ina da las grondas empermischuns electoralas dal primminister David Cameron.

RR novitads 14:00

Artitgels legids il pli savens

Scrollar a sanestra Scrollar a dretga