Siglir tar il cuntegn

Header

Navigaziun

Purtret d'ina locomotiva da la DB.
Legenda: La «Deutsche Bahn» è sa cunvegnida cun il sindicat dals locomotivists «GDL». Keystone
cuntegn

Exteriur DB e locomotivists sa cunvegnan

Per ils locomotivists datti in auzament da paja da 6,1% en dus pass. Plinavant èn il sindicat dals locomotivists e la «Deutsche Bahn» sa cunvegnids a meglieraziuns tar las uras da lavur.

Il nov contract vala fin la fin favrer dal 2021. Las pajas per ils radund 36'000 collavuraturs duain vegnir auzadas en dus pass. A partir dal fanadur 2019 datti 3,5% dapli paja, a partir dal fanadur 2020 lura anc ina giada 2,6% dapli. Plinavant datti in pajament singul da 1'000 euros e la pussaivladad da decider tranter temp liber u dapli daners. Ulteiuras midadas datti er tar las uras da lavur sur l'onn e la regulaziun da las pausas.

RR novitads 11:00