La «Deutsche Bahn» vul far enavant cun las contractivas. En il decurs dal di veglian ins preschentar ina nova proposta ad omadus sindicats, ha ditg ina pledadra dal concern. Ils discurs tranter ils sindicats e la viafier duain cuntinuar oz avantmezdi. Parallel tar ils discurs cun il sindicat EVG maina la viafier er discurs cun il sindicat pli pitschen dals locomotivists GDL. Ils sindicats pretendan dapli paja per il persunal da viafier.
Glindesdi passà avevi dà gronds disturbis dal traffic da tren en Germania ed er sur ils cunfins or en Svizra. Per quatter uras è il traffic public dals trens stà airi en Germania.
RR novitads 09:00