Siglir tar il cuntegn

Header

cuntegn

Exteriur Decisiun anti-clima da Trump fa crudar pretsch dad ieli

Ils investiders teman, che la surpurschida d’ieli restia ni vegnia anc pli gronda e quai sbassia il pretsch, scrivan las agenturas da novitads.

Ils investiders teman er, che la decisiun mettia sut squitsch ils cunfins da producziun che l’OPEC, l’organisaziun dals pajais stadis ch’exporteschan petroli, era sa messa. Ils Stadis Unids possian uss largiar lur activitads da furar per ieli e quai augmentia il privel, ch’er auters stadis, ch’avevan suttascrit la cunvegna da l’OPEC, sa distanzieschan da quella cunvegna.

Dapi l’annunzia dal president american la gievgia è crudà il pretsch per la marca d’ieli Brent, che vala sco marca d’orientaziun, per 1,3%. El è crudà sin 49,96 Dollar e cun quai sut la marca da 50 dollars per «barrel».

La gievgia aveva Donald Trump annunzià da sa retrair da la convenziun da clima da Paris e betg pli sustegnair finanzialmain ad auters pajais en lur cumbat cunter il midament da clima.

RR novitads 12:00

Artitgels legids il pli savens