89 creschids e 42 uffants sajan vegnì tegnids a ferm en in camiun en il Mexico. La polizia ha pudì fermar il camiun en vischinanza da la citad Cárdenas en Tabasco. Il manischunz è vegnì arrestà pervia da suspect da cuntrabanda da persunas. Las cundiziuns en il camiun na sajan betg stadas degnas d'in uman ed ils passagiers hajan patì da said.
L'emettur da televisiun TV Azteca rapporta ch'ils fugitivs - tranter auter da la Guatemala, Honduras ed dad El Salvador – vulevan ir en ils Stadis Unids.
RR novitads 12:00