Demissiun nunusitada en il Vatican: Cardinal Angelo Becciu sa retira da ses uffizi da la congregaziun vaticana per canonisaziun e beatificaziun. Quest gremi decida tgi che vegn declerà sontg en la baselgia. Tenor experts n'èsi betg usità ch'in cardinal extrescha da quel.
Papa Francestg accepta demissiun
Daco che Angelo Becciu è sa retratg, n’ha il Vatican betg annunzià. Sin ina dumonda davart sia retratga ha Becciu detg:
Jau preferesch da taschair.
Tenor rapports da medias era el involvì en in scandal da finanzas a Londra. En la communicaziun hai sulettamain num che papa Francestg haja acceptà sia demissiun.
Ord l'archiv
L'onn 1870 marchescha ina cesura en l'istorgia dal Vatican e da l'entira baselgia catolica – e quai cun consequenzas era per il Grischun. Ils 8 da december 1869 aveva l'emprim concil vatican cumenzà a Roma.