Siglir tar il cuntegn
Inhalt

Exteriur Democrats portan plant cunter il team da Trump

En ils Stadis Unids ha la partida democratica purtà plant cunter il team dal cumbat electoral dal president Donald Trump. Quai en connex cun l’elecziun dal president il 2016. Quai han communitgà ils democrats.

Donald Trump
Legenda: Donald Trump, president dals Stadis Unids. Keystone

Il plant sa drizzia medemamain cunter la Russia e la plattafurma da scuverta Wikileaks. Collavuraturs dal team electoral da Trump sajan s’inscuntrads cun la regenza russa ed il servetsch secret russ per far donn a Hillary Clinton, la candidata per la presidenza dals democrats. Plinavant hajan els manipulà ils computers dals democrats per influenzar la votaziun en favur da Trump.

RR novitads 20:00