Ina da las pli grondas acziuns da protest hai dà a Minca. Tenor la polizia èn radund 40'000 persunas idas sin via. A Köln han ins dumbrà radund 10'000 persunas ed er en las citads Hamburg, Berlin, Düsseldorf e Hannover han ins dumbrà plirs milli demonstrants.
Trais dis avant ch'il parlament europeic decida davart la refurma pretendan ils demonstrants cunzunt che l'artitgel 13 vegnia stritgà. Tenor quel duajan plattafurmas sco YouTube gia controllar cura che material vegn chargià si sche quel è protegì cun ils dretgs d'autur. Critichers èn da l'avis che quai funcziunia be cun filters automatisads e gliez correspundia ad ina censura.
Mardi vul il parlament europeic decider davart la refurma.
RR novitads 18:00