Siglir tar il cuntegn

Header

cuntegn

Exteriur Demonstraziuns per l’Uniun europeica a Budapest

Millis persunas demonstreschan a Budapest per l’Uniun europeica. La partida dal center «Momentum» ha clamà a las manifestaziun en connex cun il giubileum da la commembranza en l’UE. Uschia è l’Ungaria daventada avant exact 13 onns commembra da l’UE.

La partida dal center «Momentum» ch’è vegnida fundada il mars da quest onn ha gia impedì cun ina iniziativa la candidatura da l’Ungaria per gieus olimpics da stad il 2024. Dapi radund in mais demonstreschan adina puspè pli grondas massas cunter la politica dal primminister Viktor Orban.

Cunter las valurs europeicas

Ils critichers da Orban rinfatschan ad el che sia politica sa drizzia adina pli fitg cunter las valurs europeicas sco toleranza, legalitad ed avertadad. Manà a questa nova unda da protestas aveva ina lescha da scol'auta dispitaivla. Uschia vul Orban laschar serrar la renconuschida universitad privata «Central European University» a Budapest.

RR novitads 06:00

Artitgels legids il pli savens