Exteriur - Destruiders al mausoleum en Mali avant curt penala
Ils Islamists ch'han destruì il 2012 ils mausoleums a Timbuktu en il Mali duain sa responsar avant la curt penala internaziunala a Den Haag. Quai pretenda la directura generala da l'UNESCO Irina Bokova.
La destrucziun dal bain cultural valia sco crim da guerra, uschia Bokova tar ina visita en il Mali.
Cumbatants islamistics avevan destruì avant 3 onns plirs mausoleums a Timbuktu che tutgan tar il patrimoni mundial da l'UNESCO. Il mument vegnan quels reconstruids sut la direcziun da l'UNESCO.