Il ministeri tirc haja laschà passar dus termins per turnar il material da film a la Deutsche Welle. Ussa ha la Deutsche Welle, sco quai ch'els din, purtà plogn tar la dretgira civila ad Ankara.
Tenor il minister tirc, Akif Cagatay Kilic saja il material betg confiscà. Il pledader da la Deutsche Welle declera ch'il material na saja betg vegnì dà giu voluntariamain al ministeri. Quai saja capità sut squitsch.
L’emettur da televisiun Deutsche Welle na possia betg acceptar che la Tirchia na respectia betg la libertad da pressa. Quai n'haja betg pli da far insatge cun democrazia.