Siglir tar il cuntegn

Header

cuntegn

Di da l'independenza Biden: «La vaccinaziun è in act patriotic»

Al di naziunal dals Stadis Unids ha il president Joe Biden appellà a la populaziun da sa laschar vaccinar cunter covid. La vaccinaziun saja la chaussa la pli patriotica che las burgaisas e burgais possian far ussa, ha ditg Biden al di d’independenza.

Il virus na saja anc betg dumagnà, i dettia novas variantas privlusas. Ma grazia a la campagna da vaccinaziun sajan ils Stadis Unids uschè datiers sco anc mai da declerar lur independenza da quest virus mortal.

67% da tut ils creschids èn vaccinads ina giada

Il di da l'independenza ha quest onn gì ina muntada extraordinaria, perquai che Biden leva avair cuntanschì ina nova finamira da vaccinar fin lura. Quella n'è però betg vegnida cuntanschida. Fin sonda vessan 70% da tut ils creschids gì d'avair survegnì almain ina dosa dal vaccin. Fin ussa èn quai però be 67%, u 173 milliuns persunas.

RTR novitads 06:00

Artitgels legids il pli savens