Dialects «nunenconuschents» - Il «Brì» – in dialect talian moribund da la Val San Giacomo - Novitads

Dialects «nunenconuschents» Il «Brì» – in dialect talian moribund da la Val San Giacomo

Il «Brì» è in dialect talian che vegn discurrì al sid dal pass dal Spleia, tranter Montespluga e Chiavenna. Il «Brì» tuna in pau sco il rumantsch – e sco il rumantsch en Svizra è il «Brì» en l'Italia ina lingua minoritara che ha da cumbatter.

Autur: Casper Nicca

Il «Brì» tuna in pau sco il rumantsch. Blers pleds en «Brì» èn sumegliants a pleds rumantschs. Mo la grammatica tuna plitost sco en talian.

video

Tge è il «Brì»?

Or da Telesguard dals 30.05.2019.

laschar ir. Durada: 3 minutas 42 Secundas.

Ma era ils problems dal «Brì» sumeglian als problems dal rumantsch. Uschia è il «Brì» plitost ina lingua purila. Blers pleds na vegnan betg pli duvrads e per bleras chaussas modernas na datti nagins pleds.

video

Il «Brì» e ses problems

Or da Actualitad dals 29.05.2019.

laschar ir. Durada: 2 minutas 59 Secundas.

Coi va enavant cun il «Brì», cura che la generaziun veglia n'è betg pli qua, nagin che sa. Ch'i dat insatge sco ina schientscha per il «Brì» mussa però in cudeschet ch'è cumparì. Ma sche quel po era motivar ils giuvens da discurrer il «Brì», nagin che sa.