Ella haja vis ch’ella nun haja l’autoritad necessaria ed era betg il plain sustegn da ses collegas da partida per realisar las midadas necessarias. Diane James aveva surprendì la funcziun da scheffa da partida da Nigel Farage. Quel aveva annunzià sia demissiun curt suenter la votaziun davart il brexit.
James è daventada presidenta da la partida, suenter che la candidatura dal favurit Steven Woolfe n'era betg valaivla. Sia candidatura era arrivada 17 minutas memia tard.
Nigel Farage haja dentant ditg cler e bain ch'el na turnia betg a la testa da la prtida. Ina candidatura dal favurit Woolfe è anc en discussiun.
RR novitads 06:00