Exteriur - Díaz-Canel è il nov president da la Cuba
Il parlament a Havanna ha elegì Miguel Díaz-Canel sco il nov president da la Cuba ed uschia successur da Raul Castro. Quai han communitgà las medias statalas.
Raul Castro ch’ha 86 onns aveva annunzià da sa retrair suenter dus temps d’uffizi. Cun l’elecziun da Díaz-Canel va l’èra Castro pia suenter 60 onns a fin.
Díaz-Canel ha fatg carriera en la partida communista da la Cuba. Il 2003 ha el fatg il pass el biro politic, quai sco il pli giuven commember. Curt suenter ès el daventà vice-president e minister per la furmaziun sin nivel da scola auta.
