En Germania è mort il moderatur Dieter Thomas Heck en la vegliadetgna dad 80 onns. Il moderatur da la «ZDF Hitparade» saja mort la gievgia. Quai ha communitgà sia famiglia. Tranter il 1969 ed il 1984 ha Heck preschentà la show da schlagher passa 180 giadas. Dasperas ha el er moderà ulteriuras shows, sco per exempel «Melodien für Millionen». Il 2017 è Heck vegnì undrà cun la «Goldene Kamera» per sia ovra da vita.
RR novitads 06:00
