Siglir tar il cuntegn
cuntegn

Exteriur Differenzas dals carstgauns sajan ritgezza e betg privel

En ses messadi da Nadal ha papa Francestg accentuà con impurtanta che la convivenza tranter carstgauns da differentas naziuns, culturas e religiuns saja.

Plinavant ha el appellà per pasch en il Proxim Orient ed en il Jemen. Las differenzas tranter il carstgauns na fetschian betg donn, ellas na sajan nagin privel, mabain ina ritgezza, uschia il pontifex vinavant en ses pled avant millis da cartents avant il dom da Son Peder a Roma. La muntada universala da Nadal saja che tuts sajan fragliuns. Silsuenter ha el dà la benedicziun tradiziunala «Urbi et Orbi».

Ina vita simpla

Da Nadalnotg aveva papa Francestg deplorà la stravaganza e las inegualitads en il mund. L’uman saja daventà engurd e n’haja mai avunda, ha ditg il papa en la messa da Nadal notg a Roma. Intgins paucs vivian en abundanza, fertant che blers n’hajan betg avunda per viver. L'istorgia da Nadal mussia però ch’en la vita na quintian betg il possess e l'abundanza, mabain l'amur per il proxim e la simpladad.

RR novitads 14:00