Siglir tar il cuntegn

Header

cuntegn

Diplomat e strateg american Henry Kissinger è mort cun 100 onns

L'anteriur minister da l'exteriur american Henry Kissinger è mort en la vegliadetgna da 100 onns. Quai communitgescha sia interpresa du cussegliaziun. Kissinger è stà minister per ils presidents Nixon e Ford ed ha en ils onns 70 influenzà fermamain la politica dals Stadis unids.

Kissinger ha giugà in'impurtanta rolla durant la guerra en il Vietnam. 1973 ha el survegnì il premi nobel da pasch ensemen cun il negoziader nord-vietnamais Le Duc Tho. Kissinger ha prendì encunter il premi, Le Duc Tho dentant betg.

Cumenzà ses temp en uffizi ha Kissinger 1969 en la regenza da Richard Nixon. El ha bandunà la tribuna da la politica da l'exteriur 1977 suenter che Jimmy Carter è entrà en uffizi. Kissinger è era suenter ses temp en la regenza americana restà activ sco cussegliader ed è s'inscuntrà anc questa stad cun il president chinais.

Henry Kissinger in Laax
Legenda: Henry Kissinger a viandar sin il Crap Sogn Gion, durant las nozzas d'aur da ses geniturs. Davos è ses frar Walter e ses uffants da vesair. Keystone

Kissinger è stà il figl da geniturs tudestgs-gidieus. 1938 è sia famiglia fugida dals nazis ed immigrada en ils Stadis Unids. Sco um giuven ha el cumbattì en l'armada americana e studegià suenter la guerra a Harvard e promovì 1954.

audio
Per tadlar: las novitads da las 06:00
ord RTR Audio dals 30.11.2023.
laschar ir. Durada: 5 minutas 52 Secundas.

RTR novitads 12:00

Artitgels legids il pli savens