En la Gronda Britannia è la direcziun da la banca HSBC sa perstgisada per las praticas dubiusas da sia filiala svizra. L'agir da l'institut da finanzas a Genevra haja donnegià grevamain la confidenza en la banca e saja inacceptabel. Uschia il schef da la HSBC avant il parlament a Londra.
Avant il parlament a Londra han il schef da la HSBC ed il president dal cussegl d'administraziun stuì dar pled e fatg davart il scandal. A Genevra è gia vegnì instradà ina procedura penala cunter la filiala svizra pervi da fatschentas dubiusas ed assistenza a la defraudaziun da taglia.
